TYGIEL Z INTERNETEM 24 LIPCA 2022 r.
GALERIA ŚLĄSKA Familoki Jak wyglądało mieszkanie w familoku? Musza jednak wiency powiedzieć, jak sie żyło w tym familoku. Do miyszkania wchodziyło sie bez siyń, kaj stały koła - chopski z rółkǒm łod taty i damrat łod mamy „balǒniok”. Na tym chopskim jejździyli my pod tǒm rółkǒm wygiyńci jak jake paralityki. Ze siyni szło sie tyż do chajźla z takim łakrógłym deklym. Przed dźwiyżami leżoł wiszer, pod kery dowało sie klucz. Na fótrzinie dzwiyży do kuchni wisiał „Pǒnbǒczek” ze świyncǒnǒm wodǒm. Jak sie wychodziyło, tǒnkło sie tam rynka i przeżegnało na dobro drǒga. Kuchnia była wielko. Połowa była delǒwka, a połowa cymynt. Na tym cymyncie stoł piec z bratrułǒm i kǒłkastlǒm, wele tego był ausgus z kokotkym z kerego leciała ino zimno woda. W zima stawiali my jeszcze taki żeleźniok z dugǒm rułǒm co dobrze grzoła. Był tyż stǒł, pora stołkǒw, moło ryczka, byfyj, szislǒng, kindertisz, waszpek, szpint na nasze hefty i rǒma. Ta rǒma, co to kibice godali, że jǒm mǒmy w dǒma, jak Gó...